Unsere Gsellschaftskäller „zer alte Dante“ befindet sich syt 1942 am Gärbergässli 30 und gheert zue den ältischte Basler Fasnachts- und Cliquekäller.
Während dr Fasnacht isch unsere Käller drei Daag offe.
Dr Glyggekäller „Gärbergässli“ biete Platz für bis zue 36 Persoone und ka für e Fescht oder au e sunschtige Alass gmietet wärde.
Für wyteri Details und Reservatione kasch gärn Kontaggt mit userem Källermeischter uffnäh:
Hugo Buchs
Delifon: +41 79 639 83 28
Email: kellermeistersansgene@gmail.com
Falls du bereits e Fescht oder e sunschtige Alass in unserem Cliquekäller duuregfiert hesch, darfsch du uns do gärn mitdaile, was du bsunders guet gfunde hesch oder nadyrlig au, was nit e so guet gsi ist: Bewärtig abgäh
Bishärigi Bewärtige:
Dr 70scht vo dr Maja – e wunderscheenen Oobe
Am 15. Juli het d Maja S. im Gärbergässli ihre 70schte Geburtsdaag gfyyrt. Es isch e wunderscheenen und sauglatten Oobe gsii. Mer hän ys in dä härzigi Käller mit syne farbebrächtige Ladäärnewänd verliebt. Aber s Allerbescht isch die überus guet gluunti Bewirtig gsii. Das het derzue gfiehrt, ass d Gäscht rundum e perfeggten Oobe hän derfe gniesse. Vyyle Dangg – mer wärde Wiiderhooligstääter.
Maja u. Peter
Geburdsdaag vo dr Omi
super Service, guedi Ambiance und e geud Ässe. Scheen isches gsii