D Sans Gêne Strizzi sin 1932 gründet worde. Maitli und Buebe im Alter vo 7 – 18 Joor leere bi uns s’Pfyffe und s’Drummle. S ganzi Joor iebe mir jewyyls am Donnschtig Oobe in unserem Iebigs- und Arbetskäller an dr Innere Margrethestrooss 15 und imene Lokal Nöchi Heuwoog. Mir sin also ganz aifach mit em ÖV erraichbar!
Bi de Strizzi isch s ganz Joor öbbis los: Summerplausch, Glygge-Grimpeli, Niggi-Näggi, Laarve kaschiere, Marschiebige oder Laaferi – mir hän’s immer luschtig mitenand! Bsunders am Strizzi-Wuchenänd im Herbscht, wo mr s Sujet ussueche und Idee für d Goschdym und d Laarve sammle.
Gluschtet’s di au? Denn mach mit!
Mir freue-n-ys uff di!

Wyteri Infos:
Trommel- und Pfeiferschule
Repertoire Sans Gêne Strizzi
Kostenaufstellung Sans Gêne Strizzi
Kontaggt:
Obfrau Strizzi: Yuko Maurer
strizziobfrau@sansgene.ch
+41 79 440 11 49