Unser neus Agebot bi de Sans Gêne Strizzi für Binggis zwüsche 5 und 7 Joor, wo sich scho voll mit em Fasnachtsfieber agsteggt hän, abr halt no e weeneli z glai sin, zum es Instrumänt z’leere.
Mir dräffe-n ys rund ainisch im Monet jewyyls am Samschtig Nomidaag vo 14 – 16h und schnuppere e bitz Fasnachtsluft. Mir dien zämme baschtle, Gschichte loose, Larve kaschiere und nadyrlig probiere mr au s’Piccolo und d’Drummelschleegel us.
Nadyrlig dörfe d’Luuszäpfe au an verschiideni Strizzi-Aläss ko (z.B. Summerplausch, Niggi-Näggi, Laaferi). An dr Fasnacht git’s e reduzierts Programm, d.h. d’Luuszäpfe dörfe dr Cortège mitlaufe (Pausebetreuuig dur die aigene Eltere) und Schluss isch denn vor em Znachtässe am säggsi Zoobe.
Termin für 2024/2025:
13. April 2024
25. Mai 2024
15. Juni 2024
17. Auguscht 2024
21. Septämber 2024
26. Oggtober 2024
23. Novämber 2024
18. Januar 2025
D’Luuszäpfe-Nomidääg finde jewyyls vo 14 – 16h in unserem Glyggekäller an dr Innere Margrethestrooss 15 statt. S git au e glains Zvieri.
Koschte duet’s pro Joor dr Mitgliiderbytraag vo 30.- Frangge und e Bytraag vo 50.- für s’Material und s’Zvieri.
